الرئيسية / كونكر اونلاين / شرح مهمة Activeness بالصور كونكر اونلاين

شرح مهمة Activeness بالصور كونكر اونلاين


شرح مهمة Activeness بالصور كونكر اونلاين

شرح مهمة Activeness بالصور كونكر اونلاين

النهردة هشرحلكم مهمة ال Activeness بالتفصيل الممل .
المهمة دى يا رجالة اسمها الفعالية ( يعنى بتعمل انشطة ف اللعبة مقابل نقط بتزيدها تثبت فعاليتك فى اللعبة , طيب الانشطة دى زى ايه ؟
انت لازم تركز معاية كدة فى الشوية اللى جايين دول علشان تفهم , بص يا صديقى انا هقولك كل حاجة وهقولك بتزود كام نقطة وهقولك ينفع تعملها كام مرة فى اليوم , يعنى مثلأ فى حاجة اسمها VIP Login يعنى تخش اللعبة ويكون معاك VIP دى بتديك 5 نقط بس ودى بتديهملك مرة واحدة والصورة دى هتفهمك قصدى :
 
يعنى من الاخر اللى على الشمال اسم النشاط واللى بعدها تقدر تعمله كام مرة ( دى 1\1 يعنى بيتعمل مرة واحدة وانا عملته المرة دى ) , واللى بعدها بيديك كام نقطة النشاط ده وبعدها الحالة وبتكون لأما :
– Completed : لو خلصتها .
– Accept : لو لسه مخلصتهاش .
ودى حتة من جدول المهمة هيفهمك قصدى ف الكلام اللى فوق :
 
علشان الشرح يبقى سهل , هقول اسم النشاط وبعدها هقولكم المفروض تعملوا فيه ايه وبعدها بيديك كام نقطة فعالية وبعدها بيتعمل كام مرة فى اليوم يلا بينا :

شرح مهمة ال Activeness

1- Stay Online : دى بتكون اول واحدة وبيطلب منك تفضل اونلاين لمدة نص ساعة وبيزودهالك كل مرة .
النقط : 5 نقط فى كل مرة تخلصها .
كام مرة : ليها 5 مرات وطبعأ كل مرة بيزودلك الوقت .
2- Lottery : ودى طبعأ عارفينها انكم لازم تخشوا اللوترى علشان تجيلكم النقط منها .
النقط : 5 نقط فى كل مرة .
كام مرة : 10 مرات .
3- Daily Quest : دى انك تخلص الكويستات اليومية .
النقط : 5 نقط على كل كويستة تخلصها .
كام مرة : 8 مرات علشان فى 8 كويستات يومية .
4- Flowers/Gifts : ودى واضحة وسهله جدأ وهى انك تدى الوردة لأى بنت .
النقط : 5 نقط .
كام مرة : مرة واحدة .
5- Qualifier : ودى اللى هى الارينا .
النقط : 5 نقط .
كام مرة : 5 مرات .
6- Treasure in the Blue : تخش مهمة الاخطبوط , للناس اللى متعرفش شرحها يخشوا هنا .
النقط : 10 نقط .
كام مرة : مرة واحدة .
7- Enlightenment : كلمة بايخة كدة ههههههههه , المهم دى معناها الصوباع , يعنى تدى لناس الصوابع علشان النقط تزيد .
النقط : 5 نقط .
كام مرة : 3 مرات .
8- Team Qualifier : تلعب فى الارينا تيم .
النقط : 10 نقط .
كام مرة : مرتين .
9- Chi Study : تتدرب فى الاتشى .
التدريب فى التشى من اسرع الحجات اللى بتزودلك الفعالية علشان بيديك 5 نقط كل مرة وليك 12 مرة يعنى لوحدهم بيزودولك 60 نقطة فعالية , لو مش عارف التشى شوف الشرح ده .

النقط : 5 نقط .

كام مرة : 12 مرة .
10 – JiangHu : تتدرب فى الجيلانج .
==== لسه مشرحتهاش بس اللى عارفينها يعملوها , انتظروا رابط الشرح ====
النقط : 5 نقط .
كام مرة : 12 مرة .
11- Login the Game : دى بتيجى لأى حد اول ما بيفتح اللعبة .
النقط : 5 نقط .
كام مرة : مرة واحدة .
12- VIP Login : دى مش بتيجى غير للناس الفى اى بى , وبتجيلهم اول ما بيخشوا السيرفر .
النقط : 5 نقط .
كام مرة : مرة واحدة .
13- Champion Points : لما بتجمع نقاط الشمبيون تبقى خلصتها للى مش عارف نقاط الشمبيون خش فى الموضوع ده .
النقط : 10 نقط .
كام مرة : مرة واحدة .
14- Horse Racing : تخش سباق الاحصنة .
النقط : 10 نقط .
كام مرة : مرة واحدة .

——————-

طبعأ المهمة واضحة يا رجالة ومفهاش حاجة صعبة , كل اللى عليك تجمع نقط من الحجات اللى قلتها فوق دى والفعالية هتزيد وتفتح اول صندوق اللى بيديك شنطة حمرا وده شكلها :

 
علشان تفتحها هتدوس عليها كلك يمين وهيقولك اختار حاجة من اتنين لأما تفتحها بالتذكرة السحرية لأما تفتحها منغيرها :

دى بتجيلك لما تجمع 100 نقطة , ولو جمعت 210 نقطة هيجيلك صندوق تانى ده شكله :

 
وده شكل الصندوق اللى هيجيلك ف الايتم :
لما بتيجى تفتحه بيديك اختيارين لأما تفتحه ويجبلك شنطة حمرا زى اللى فاتت , لأما تاخد تذكرة الحظ Magic Ticket لما تدوس كلك يمين على الصندوق هيقولك اختار جايزتك :
 
وده شكل التذكرة :
 
الصندوق ده زى ما انتوا شايفين ممكن يجيبلك هديتين , لأما شنطة زى اللى لسه واخدها لأما Magic Ticket والتذكرة دى ليها ميزة كبيرة اوى وهى انك وانت بتفتح الشنطة بيقولك عاوز تفتح الشنطة بإستخدام التذكرة دى ولا عاوز تفتحها منغيرها ؟

انت علطول بتختار انك تفتحها منغيرها وبتاخد جوايز قليلة , انا هقولك على حوار حلو اوى .
متفتحش الشنطة ام 100 دى خالص منغير التذكرة لما تجيبها خليها معاك فى الشنطة واول ما تجمع ال210 نقطة ويجيلك الصندوق اختار انك عاوز تاخد منه التذكرة , وبعدين روح دوس على الشنطة وافتحها بالتذكرة دى .
ليه تعمل كدة ؟
ببساطة لأن التذكرة دى بتضاعف الجايزة بتاعة الشنطة من مرتين لحد 128 مرة !!!!!!! واخد بالك يعنى ايه بتبدأ من مرتين لحد 128 مرة ؟
يعنى الشنطة لو اديتك فلوس بتديك 500 الف , طيب لو التذكرة ضاعفتلك الجايزة دى 30 مرة مثلأ هيبقى 30 * 500 الف ب15 مليون ..
وهقولك على حاجة , اقل حاجة بتضاعفهالك بتكون مرتين يعنى كأنك جبت الشنطة الاولى وفتحتها وجبت من الصندوق التانى شنطة برده وفتحها , يعنى هى هى , وطالما هى هى يبقى تعمل بالتذكرة احسن 

فى 3 صناديق يا غالى , واحد بيتفتح ب 100 نقطة وواحد ب 210 نقطة وواحد ب 340 نقطة .

كام معلومة ع السريع كدة :

– وانت قاعد بتلعب عادى وجبت بروجريس Progress اى صندوق من التلاتة هيجيلك علامة على مهمة ال Activeness وده شكلها :

– كل الصناديق اللى بتاخدها من المهمة دى بيكون مكتوب عليها وقت فاضلها , لو الوقت ده خلص هتختفى من الشنطة عندك , من الاخر استخدمهم علطول .
– علشان تجيب ال340 نقطة لازم تتدرب ف ال Chi و ال Jiang اكتر من الطبيعى ليك ( يعنى هتدفع سى بى اس او يكون معاك حجات تخليك تتدرب فيهم ) ومحتاج تخش اللوترى 10 مرات علشان تقدر تجيب ال50 نقطة بتوع اللوترى كلها .
– انت لو جبت 100 هتفتح الصندوق اللى ب 100 نقطة , ولما تجيب اكتر وتوصل ل 210 هتفتح التانى برده , عاوزك تفهم انك متقولش هجمع لحد 210 مرة واحدة علشان افتح الصندوق الكبير !! لأ يا غالى النقط مش بتضيع يعنى لو جبت الصندوق ابو 100 مش هينقصلك 100 نقطة فعالية لأ عادى هيكملوا مفيش مشكلة , يعنى تقدر تاخد ال 3 صناديق ف يوم واحد لو تقدر .

مواضيع اخري ذات صلة

شرح مهمة الخاتم السوبر بالصور كامله conquer online... شرح مهمة الخاتم السوبر بالصور كامله conquer online لكل من يبحث عن شرح كوست الخاتم السوبر كونكر اونلاين نقدم لكم الشرح بالصور لمهمة الخاتم السوبر او ...
شرح توزيع نقاط الريبورن بالصور كاملة conquer onlin... شرح توزيع نقاط الريبورن بالصور كاملة conquer online هقول مبروك لكل واحد داخل الموضوع علشان هو اكيد لسه نازل ريبورن او عامل استنساخ ومش عارف يعمل ايه ...
شرح استرجاع الحاجة اللى وقعت منك واسمك احمر كونكر ... شرح استرجاع الحاجة اللى وقعت منك واسمك احمر كونكر اون لاين اول ما ال PK بتاعك بيبقى 30 او اكتر , بيبقى اسمك احمر Red Name وبيكون لأى حد الفرصة انه يق...
شرح مهمة السلاح السوبر بالصور Super Weapon Lv40 كو... شرح مهمة السلاح السوبر Super Weapon Lv40 كونكر اونلاين نقدم لكم شرح جديد لمهمة او كويستة السلاح السوبر وهو سلاح سوبر لفل 40 يمكنك متابعه الشرح بالصور...
شرح مهمة الجزمة السوبر بالصور Desert Treasure... شرح مهمة الجزمة السوبر بالصور Desert Treasure إليكم الشرح الكامل لعمل مهمة الجزمة السوبر الفري بالصور كاملة يمكنك لكل الاصدقاء لعبة كونكر اونلاين جاي...

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

شرح مهمة الجزمة السوبر بالصور Desert Treasure

شرح مهمة الجزمة السوبر بالصور Desert Treasure إليكم الشرح الكامل لعمل مهمة الجزمة السوبر الفري ...